ماجد الكدواني: «لو كريم عبدالعزيز قلع الجزمة وضربني بيها هسامحه»

كتبت-شهد هشام 

تحدث الفنان ماجد الكدواني، عن علاقة الصداقة القوية التي تجمعه بالفنان كريم عبدالعزيز، والتى مر عليها نحو 24 عاما.

وأضاف «الكدواني» خلال لقاءه مع الإعلامي عمرو أديب والفنانة أصالة، في «بودكاست Big Time»: «كريم عبدالعزيز حبيبي وكل الناس عارفة هو ايه عندي، كريم يعنى الأمانة والصداقة والمصداقية، أنا وهو ساعات بنتكلم على التليفون بـ 8 ساعات، وده لأننا بنبقى جعانين مصداقية ومحتاجين نتكلم براحتنا مع بعض».

وتابع: «سر علاقتي بكريم عبدالعزيز أن مفيش رقابة ومفيش حساب ومحدش هيمسك على التاني حاجة، صداقتنا عمرها 24 سنة، ومراتي دايمًا تقولي ربنا يبعد عنكم العين، وكريم لو في يوم اتعصب عليا وزعل منى وقلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا ايه هسامحه».

الجدير بالذكر أن ضيوف «بودكاست Bigtime» كان أبرزهم، ميسي، وأحمد عز، وويل سميث، ومنى زكي، وياسمين صبري، وأنغام، وشيرين عبدالوهاب، ونانسي عجرم، وإليسا، ومحمد ممدوح، وإسعاد يونس، ومحمد عبده، وكريم عبدالعزيز، باسل الخياط، ماجد المهندس، يسرا، ماجد الكدواني، أحمد حلمى، جورج وسوف، كريم محمود عبدالعزيز، دنيا سمير غانم، وغيرهم.