رئيس الهيئة البرلمانية لحزب المصريين الأحرار يدعم الرئيس السيسي

قال النائب علاء عابد رئيس الهيئة البرلمانية لحزب المصريين الأحرار ورئيس لجنة حقوق الإنسان: “إحنا في مصر القديمة والمنيل أصل مصر، ولازم أقول في وجود الآلاف والسادة نواب الشعب الموجودين، الجميع جايين يقولوا تحيا مصر ومصر يجب أن تستقر بقائدها العظيم السيسي”.
وفي بداية كلمته بمؤتمر دعم الرئيس السيسي بمنطقة مصر القديمة، وجه الشكر للنائب عصام فاروق والنائب الخلوق محمد العقاد نواب مصر القديمة والمنيل.

وتابع عابد: “يا أهل مصر القديمة خلوا بالكم بلدكم أمانة في إيديكم، وكانت علي المحك في يوم من الأيام، وقت حكم الفاشية الدينية، تحيا مصر وتسقط الفاشية التي قامت بكل ما هو سئ، الجماعة الإرهابية التي تقول أن مصر لم تعد بلد الأمن، بنقولهم مصر هي بلد الأمن بيسألونا برا البلد بيقولوا في يوم من الأيام مكنش عندكم رئيس ولا حكومة ولا برلمان، استمريتوا إزاي قولنالهم علشان عندنا شعب عظيم شعب استحمل كل ما مر به علشان يعيش ويكمل، لأن مصر صاحبة الـ 7 آلاف سنة حضارة”.

وأضاف عابد: “أن الجيش المصري دائما ما يقدم رسائل واليوم بيحاربوا العدو الذي قتل ولادنا وجنودنا في سيناء علشان احنا نعيش”.
وأضاف عابد “من مصر القديمة بنقولك يا سيسي أنت زعيمنا وإحنا في ضهرك وهنكمل معاك، وخلوا بالكم لما السيسي بيقول خلوا بالكم هو عارف اللي مستهدفين البلد دي، وبقول من دلوقتي يوم (26، 27،28) هيبقي يوم احتفال كبير أوي، وهنقول كرسي مصر ميقعدش عليه فاسد إحنا معاك ياسيادة الرئيس، ووجه عابد التحيه لنساء مصر العظيمات”.